سکۆلارشیپی چیڤنینگ ٢٠٢٦-٢٠٢٧ لە بەڕیتانیا بۆ خوێندنی ماستەر | فول فەند

دوای ئەوەی کلیک لە دوگمەی تەقدیمکردن دەکەی، لینکەکە دەتباتە سەر سیستەمی تایبەت بە پێشکەشکردنی داواکاری بۆ پرۆگرامەکە. یەکەم جار، پێویستە مەرجە و ڕێنمایی و تێبینی پرایڤەسیەکە بخوێنیتەوە و دواتر ڕازی بی پێیان

دوای ئەوە، داوات لێدەکرێ کە ئیمەیل ئەدرەس و ژمارە مۆبایلی خۆت تۆماربکەی لە سیستەمەکەدا

دوای ئەوە، بە ئیمەیڵ لینکێکت بۆ دەنێردرێ بۆ داخل بوون بە پۆرتالی تایبەت

دوای کلیک کردن لە لینکەکە، وەڵامی پرسیارەکان تایبەت بە شمولکردن بدەرەوە بۆ پشراستکردنەوەی ئەوەی کە هەموو مەرجەکانی وەرگیرانت تێدایە بۆ پرۆگرامی چیڤنینگ

لە ڕێگەی ئەم پرسیارانەوە، راستەوخۆ بۆت دەردەکەوێ کە ئایا بەڕاستی شمولی ئەم پرۆگرامە دەکەیت یاخود نا. ئەگەر لە پرسیارەکان دەرنەچوویت بەڵام هەستدەکەیە هەڵەیەک ڕوویداوە، ئەوا دەتوانی دوو جاری دیکە تێستەکە دووبارە بکەیتەوە

ئەگەر دەرچووی لەم تاقیکردنەوەیە، ئینجا لینکێک دێت بۆ ئەو ئیمەیڵەی کە داتناوە و ئینجا دەتوانی لە پڕکردنەوەی فۆرمەکە بەردەوام بی

دوای کلیک کردن لە لینکی تایبەت بە بەردەوام بوون لە پرکردنەوەی فۆرمەکە، ئینجا شاشەکەت ئەکسێس کۆدێک پیشاندەدا. ئەم ئەکسێس کۆدە تەنها تایبەتە بە خۆت.

پێویستە ئەم ئەکسێس کۆدە تایبەتە لە شوێنێک بە سەلامەتی هەڵبگری. چونکە هەموو جارێک کە داخڵی ئەپلیکەیشنەکە دەبی، پێویستیت بەم کۆدە دەبێ

تێبینی: دەتوانی وێنەیەکی کۆدەکە بگری

ئێستا تۆ دەتوانی بە تەواوی دەسبکەی بە پڕکردنەوەی فۆرمی چیڤنینگەکەت.

لە کاتی تەواوکردنی فۆرمەکەدا، بیرت بێ کە ئەگەر بۆ ماوەی ١٥ خوولەک بە ناچالاکی بمێنیەوە لەسەر پۆرتاڵەکە، راستەوخۆ لۆگ ئاوت دەکرێی. بۆیە زوو زوو هەنگاوەکانت خەزنبکە بۆ ئەوەی داتاکانت نەسڕێتەوە و پێویستە نەکات سەرلەنوێ شتەکان پربکەیەوە

پێویست دەکات هەموو بەشەکانی ئەپلیکەیشن فۆرمەکە پربکەیەوە

زانیاریە کەسیەکان

ناوی تەواوت چۆن لەسەر پاسپۆرتەکەت نوسراوە ئەوا لە پۆرتالەکە داخلی بکە. بە هەمان شێوە بەرواری لەدایکبوون و ئەدرەس و شوێنی دڵخوازی بۆ چاوپێکەوتن دیاریبکە

زانیاری وڵاتینامە

زانیاریەکانی پەیوەست بە وڵاتینامە (جنسیە) ژمارەی پاسپۆرت، و هەر زانیاریەکی دیکەی پەیوەندیدار داخل بکە

مێژووی خوێندن

زانیاری تەواو لەسەر مێژووی خوێندنت، وەک ناوی ئەو زانکۆیانەی لێیان خوێندووتە، ئەو بڕوانامەی کە خوێندووتن، وە ئەو ئەنجامانەی بەدەستتهێناون بنووسە. دەتوانی تاوەکو ١٥ زانیاری خوێندن داخل بکەی

مێژووی کارکردن

دەتوانی تاوەکو ئێنتری زانیاری داخلبکەی لەسەر ئەو ئەزموونی کارانەی کە تاوەکو ئێستا کردوونت. دواتر سیستەمەکە خۆی ئەژماری ئەوە دەکات کە ئایا مەرجی ٢٨٠٠ کاتژمێری کارکردنەکەت تیادایە یاخود نا. ئەژمارکردنەکە بە لێکدانی ژمارەی هەفتەکان بە ژمارەی کاتژمێرەکان حسابدەکرێ بۆ هەر یەکێک لەو ئیشانەی کە داخلت کردووە. لە کۆتایدا دەتوانی کۆی گشتی کاتژمێرەکان ببینی

لە ڕێگەی ئەم لینکەوە، زانیاری زیاتر دەربارەی پێداویستیەکانی ئەزموونی کار و ئەو جۆری کارانەی کە ئەژمار دەکرێ بزانە

پرۆگرامەکانی خوێندن

زانیاری تایبەت بەو ٣ کۆرسی ماستەرە داخڵ بکە کە لە بەریتانیا هەلتبژاردوون و دەتەوێ بیانخوێنی. دەتوانی لە ڕێگەی لینکی دۆزینەوەی کۆرسەکانی تایبەت بە چیڤنینگ ئەو کۆرس و پرۆگرامانە بدۆزیتەوە لەگەل ئەو زانکۆیانەی کە شمولی چیڤنینگ دەکەن

بۆ هەر یەکێک لەو کۆرسانەی هەڵتبژاردوون، پرسیاری ئەوەت لێدەکرێ کە ئایا تاوەکو ئەو دەقەیە تەقدیمی هیچ کام لەو کۆرسانەت کردووە یاخود نا. ئاگادار بە، کە لە کاتی پڕکردنەوەی فۆرمەکەدا، داواکراو نیە لێت کە تەقدیمی هیچ زانکۆیەکت کردبێ و قبوڵت هەبێ. ئەم پرسیارە تەنها بۆ زانینی جەماعەتی چیڤنینگە و هیچی تر

بۆ زانیاری زیاتر دەربارەی ئامادەکردنی ئەپلیکەیشةی تایبەت بە زانکۆکانی بەریتانیا، ئەم لینکە بخوێنەوە

ریفرێنسەکان

لە کاتی پرکردنەوەی فۆرمەکەت، داوات لێدەکرێ کە زانیاری دوو کەس داخل بکەی کە ئامادەن ریفرێنس لێتەرت بۆ بنووسن. زانیاریە پێویستەکان بریتین لە ناوی کەسەکان، پیشەیان و زانیاری پەیوەندیگرتن پێیانەوە

گەر بانگهێشتبکرێی بۆ چاوپێکەوتن، ئەوا داوات لێدەکرێ کە دوو نامەی پشگیری (ریکەمێندەیشن لێتەر) ئەپلۆد بکەیتە پرۆتالەکە کە لە لایان ئەو دوو کەسە نوسراون کە ناویانت نوسیوە

بۆ زانیاری زیاتر دەربارەی ریفرێنسەکان و ریکەمێندەیشن لێتەرەکان، کلیک لێرە بکە

پرسیارە وتاریەکان – ئێسەیەکان

وەڵامی ئەو پرسیارە وتاریانە (ئێسەیانە) بدەرەوە کە داواکراوە. بابەتی ئێسەیەکان بریتین لە سەرکردایەتیکردن، دروستکردنی پەیوەندی، هەلبژاردەی کۆرسەکانت، وە ئامانجە پیشەییەکانی داهاتووت

ئاگاداری لیمیتی ژمارەی وشەکان بە و تەنها بە زمانی ئینگلیزی وەڵامی ئێسەیەکان بدەرەوە

پێشنیاری ئێمە ئەوەیە کە وەڵامی ئێسەیەکان لە فایلێکی وۆرد ئامادەبکەیت و کەی تەواو بوون، کۆپی پەیستیان بکەیتە ناو ئەپلیکەیشنەکەت

بۆ زانیاری دەربارەی چۆنیەتی بەدەستهێنانی ئەنجامی باش لە مەرجەکانی هەڵبژاردن بۆ پرۆگرامی چیڤنینگ، کلیک لێرە بکە

هەلە یەکسانەکان

بۆ ئەوەی بتوانرێ چاودێری فرەچەشنی و هەمەڕەنگی بەژداربوانی پرۆگرامی چیڤنینگ بکرێ، لەم بەشەدا، پێویستە چەند زانیاریەک دەربارەی باکگرواندی کەسی خۆت پڕبکەیتەوە. ئەم وەڵامانە هیچ کاریگەری لەسەر بڕیاری ئەپلیکەیشنەکەت نابێ

دوای ئەوەی لە هەموو بەشەکانی ئەپلیکەیشنەکە نوسرا کە تەواوبووە و سەوز بوو، ئەوا پێوویستە ئەم چەند هەنگاوەی کۆتایی بکەی

١. بە مەرجەکانی سکۆلارشیپەکە کە لە فۆرمەکەدا نوسراوە ڕازی ببە

٢. کلیک لەسەر “سەبمیت ئەپلیکەیشن” بکە و پاشان کلیک لە “پشراستکردنەوەی پێشکەشکردن” بکە

٣. شانازی بەخۆتەوە بکە کە گەیشتویتە قۆناغی کۆتایی بۆ تەقدیمکردن بۆ یەکێک لە دەرفەتە ناوازەکانی دنیا