گرانتی داهێنانی ئەلومنای فەندێکی وەزارەتی دەرەوەی ئەمریکایە بۆ ئەو کەسانەی کە بەژداربووی یەکێک لە پرۆگرامەکانی ئاڵوگۆری سەرکردایەتی ویلایەتە یەکگرتووەکانی ئەمریکان. لە ڕێگەی ئەم گرانتەوە، ئەم کەسانە دەتوانن داوای پشگیری دارایی بکەن بۆ دەسپێکردنی پرۆژە تایبەتەکانیان لە بواری خزمەتکردن بە کۆمەڵگەی مەدەنی و بەیەکەوە بەستنەوەی توانای دەرچوانی ئەم پرۆگرامانە
لەوەتەی دەسپێکردنیەوە ئەم گرانتە توانیویەتی پشگیری دارایی بۆ ٥٠٠ پرۆژە دابینبکات کە لە لایان دەرچوانەی پرۆگرامەکانی بالیۆزخانەکانی ئەمریکا لە وڵاتە جیاوازەکان. ئامانجیش لێی کۆکردنەوەی ئەم دەرچوانەیە بۆ ئەوەی بەیەکەوە خزمەت بە کۆمەڵگە و وڵاتەکانیان بکەن
مەرجی هەرە سەرەکی ئەم فەندە بریتیە لەوەی کە دەرچووی یەکێک لە پرۆگرامە ئاڵوگۆریەکانی ویلایەتە یەکگرتووەکانی ئەمریکا بیت وەک ئایڵپ، فولبرایت، مێپی، هتد
بۆ وەرگرتنی پشگیریە داراییەکە، مەرجە پرۆژەکەت بە لایەنی کەم یەکێک لەم مەرجانەی تێدا بێ
کۆکردنەوەی دەرچوانەی پرۆگرامە سەرکردایەتیە جیاوازەکان بۆ کارکردن لەسەر پرۆژە و ئامانجی هاوبەش بۆ بەهێزکردنی هاریکاری دەرچوان لەەر ئاستی هەرێمی و جیهانی
بەهێزکردنی پەیوەندی نێوان دەرچوان و حکومەتی ئەمریکی بۆ کارکردن لەسەر چالاکی هاوبەش بۆ تیشکخستنەسەر ئامانجی هاوبەش
بەهێزکردنی تۆڕی دەرچوانی پرۆگۆرامەکانی ویلایەتە یەکگرتووەکانی ئەمریکا بۆ پەرەپێدانی توانای سەرکردایەتی کردن و جێبەجێکردنی پرۆژەی تایبەت کە خزمە بە کۆمەڵگە بکات
مەرجە لە هەر پرۆژەیەکدا بە لایەنی کەم دوو دەرچووی یەکێک لە پرۆگرامەکان یاخود ڕێکخراوەکانیان لەخۆی بگرێت و تەنها ئەو پرۆژانە پشگیری دارایی وەردەگرن کە لە دەرەوەی ویلایەتە یەکگرتوەکانی ئەمریکا جێبەجێدەکرێن
بۆ پێشکەشکردنی دارایی، پرۆپۆزەڵی پرۆژەکان پێویستە ئاراستەی نزیکترین بالیۆزخانە یاخود کونسوڵخانەی خۆت بکەیت و پێویستە فۆرم و دۆکیومێنتی تایبەت بەم گرانتە بەکاربهێنرێ
